Alkohol op Facebook = meer vriende
2011-05-20 08:29
VSA – Mansstudente wat op Facebook oor alkohol praat of foto’s van alkohol oplaai, het meer Facebook-vriende as diegene wat dit nie doen nie, het ‘n studie getoon wat binnekort in die American Journal of Men’s Health gepubliseer gaan word.
Die studie het deur die profiele van 225 mansstudente by een universiteit gegaan en gesoek na verwysings na alkohol, insluitende foto’s van alkoholiese drankies.
Daar is gevind dat 85,53% van die Facebook-profiele minstens een verwysing na alkohol bevat het. Gemiddeld was daar 8,5 verwysings na alkohol.
Mans ouer as 21 het sowat 4,5 keer meer verwysings na alkohol gemaak as jonger mans.
Daar is ook gevind dat die hoeveelheid kere wat ‘n man oor alkohol gepraat het merkwaardig ooreengestem het met die hoeveelheid Facebook-vriende wat hy het.
Hoe studente na drank verwys op Facebook is van belang vir diegene wat alkoholmisbruik deur studente wil voorkom.
Lees meer op Mashable
Volg Nuus24 op Twitter