Aggressiewe ysbeer het tandpyn gehad
2011-08-16 20:56
Oslo – Die ysbeer wat ‘n lid van ‘n Britse ekspedisie
op Svalbard in die noorde van Noorweë doodgemaak het, het tandpyn gehad.
Volgens veekundiges verduidelik dit heel
waarskynlik hoekom die dier so buitengewoon aggressief opgetree het.
Daar is
egter geen aanduiding dat die dier hondsdolheid gehad het nie.
Horatio Chapple is die 5de Augustus oorlede
toe die ysbeer die lede van ‘n ekspedisie op die eiland van Svalbard aangeval het.
Vier ander lede is tydens die voorval beseer.
‘n Nadoodse ondersoek het getoon dat die ysbeer
se tande stomp en van die senuwees ontbloot was.
“Dit verduidelik in ‘n groot mate die ysbeer
se ongewone gedrag,” het die veearts Bjornar Ytrehus gesê.
‘n Voorlopige ondersoek kort ná die aanval het
getoon dat die ysbeer min vet aan sy lyf gehad het en dat sy maag leeg was –
aanduidings dat die dier honger kon gewees het.
Volg Nuus24 op Twitter.
- SAPA