Aborteer of nie? Paartjie vra die web
2010-11-19 10:02
Chicago – ‘n Paartjie van Minnesota in die VSA sal internetgebruikers laat besluit oor die lot van hul 16 week oue fetus.
Pete en Alisha Arnol, albei 30, het ‘n stem op hul webwerf, www.birthornot.com, geplaas waarop internetgebruikers kan besluit of hulle die fetus moet aborteer of nie, het Gawker.com berig.
Die paartjie dring daarop aan dat die stemmery nie bloot ‘n anti-aborsieveldtog of reklamefoefie is nie.
“Ons neem dit baie ernstig op,” het mnr. Arnold aan Gawker gesê.
Hy het egter bygevoeg dat die uitslag van die stem nie bindend sal wees nie, hoewel dit ‘n groot impak op hul uiteindelike besluit oor die fetus sal hê.
Die Arnolds, wat al vir 10 jaar getroud is, sê hulle is al deur twee miskrame.
Hulle het die webwerf begin omdat hulle nie seker is of hulle gereed is vir ouerskap nie.
Die stem sal tot 7 Desember oop wees, waarna dit wettiglik te laat sal wees om die fetus in die staat van Minnesota te aborteer.
Volg Nuus24 op Twitter.
- AFP