Aardbewing het aarde se as geskuif

2011-03-14 15:24

Kaapstad – Die aardbewing wat Japan Vrydag getref het was so kragtig dat dit die hele planeet met 25 cm geskuif het, het kenners gesê.

Volgens Italië se nasionale instituut vir geofisika en vulkanologie  was die 8.9-aardbewing so sterk dat dit die as waarom die aarde draai geskuif het.

Die VSA se Geological Survey het ook aangemeld dat Japan se hoof-eiland 2,4 meter geskuif het as gevolg van die krag van die ramp.

Die skuif van die aarde kan ‘n groot, maar subtiele effek hê op die lengte van die dag en die verandering van seisoene.

Lees meer by die Daily Mail