Aanlyn-TV vir DSTV, MWEB kliënte
2010-05-05 13:14
Kaapstad – MWEB het aangekondig dat die maatskappy vanaf Woensdagoggend DSTV-op-versoek aan alle onbeperkte-ADSL kliënte sal verskaf.
Dit beteken gebruikers wat van MWEB se onbeperkte ADSL pakket gebruikmaak, regstreeks sport en rolprente op hul rekenaar via die internet sal kan kyk, het die maatskappy op die sosiale netwerk Facebook gesê.
MWEB is weereens ‘n stappie voor in die internetmark in Suid-Afrika. DStv Premium kliënte wat ‘n ADSL rekening by MWEB het, sal nou hierdie diens gratis kan geniet by www.dstv.com.
MWEB is die enigste geakkrediteerde maatskappy by DStv wat hierdie diens kan aanbied.
Rudi Jansen, uitvoerende hoof van MWEB, het gesê die maatskappy is trots om eerste hierdie diens aan hul verbruikers te bied op ‘n maklike en toeganklike manier.
"Deur DStv aanlyn op jou rekenaar of skootrekenaar te kyk, sal jy ook ‘n addisionele kanaal in jou huis hê,” het Jansen gesê.
Die produk sal vanaf 5 Mei 2010 beskikbaar wees. DStv verbruikers met ‘n DStv Premium subskripsie kan na www.dstv.com gaan om daarvoor te registreer.
- Vir die volledige storie besoek marcforrest.com