82% minder gemorspos in 2011

2011-07-05 13:02

New York – ‘n Jaar gelede was gebruikers oorlaai met elektroniese gemorspos wat kitsfoefies wou smous – vanjaar lyk die e-posbusse heelwat netjieser.

Symantec Intelligence het bereken meer as 225 miljard elektroniese gemorspos-boodskappe is verlede jaar per dag in Julie uitgestuur.

Vanjaar het dié getal na sowat 40 miljard geval, ‘n verlaging van 82.22% in ‘n jaar.

Die sekerheidsjoernalis Brian Krebs van die Washington Post het gesê die polisie, sekerheidskenners en internet-diensverskaffers moet vir dié seëning geprys word.

Symantec Intelligence se grafiek stel die dramatiese verlaging in e-posse grafies voor en dui aan hoe elektroniese gemorspos in posbusse verminder het ná groot oortreders soos die varkpos-netwerk Rustock vasgetrek is.

– Lees meer hier.

– Volg Nuus24 op Twitter.