600 pikkewyne sterf weens koue, reën
2010-06-18 12:10
Kaapstad - Die Suid-Afrikaanse Nasionale Parke (SANparke,) sê sowat 600 brilpikkewyne is die afgelope twee dae in Algoabaai weens ysige weersomstandighede dood.
Hierdie pikkewyne is reeds op die lys van kwesbare spesies. Die ysige weersomstandighede wat die Oos-Kaap die afgelope paar dae geteister het was nie ongewoon vir hierdie tyd van die jaar nie, maar gekombineer met reënbuie, was die koue te veel vir talle pikkewyne om te oorleef.
“Die ouderdomme van kuikens, wat tussen ‘n paar weke en twee maande wissel, het hulle baie kwesbaar gemaak,” het ‘n woordvoerder van SANparke, gesê.
Lees hier meer.
Volg Nuus24 op Twitter.