50% van vis kom binnekort van plase
2011-06-29 12:48
Kaapstad – Sowat 50% van die vis wat deur mense verbruik word, sal teen die einde van volgende jaar van akwakultuur-plase afkomstig wees.
John Duncan, ’n verteenwoordiger van die Suid-Afrikaanse Volhoubare Seekosinisiatief (Sassi), het gesê die vraag na seekos en vis het so toegeneem dat die wêreld se natuurlike vis- en seekosbronne nie daaraan kan voldoen nie.
“Volgens die jongste verslag van die Food and Agriculture Organisation van die Verenigde Nasies het die verbruik van vis en seekos toegeneem tot 17 kg per persoon per jaar,” vertel Duncan.
Hy was een van die sprekers op ’n Tilapia-opedag by Dicla Eco Tilapia op Muldersdrif.
Volgens Duncan is die Aquaculture Stewardship Council, wat verskeie rolspelers verteenwoordig, onlangs op die been gebring om die bedryf te sertifiseer.
Onafhanklike raadgewers sal dus ’n plaas besoek wat om sertifisering aansoek doen, en die plaas nagaan om te bepaal of hy vir sertifisering in aanmerking kom.
– Lees die volledige storie hier.
– Volg Nuus24 op Twitter.
- Landbouweekblad