33% gebruik Facebook, Twitter by die werk
2011-11-11 11:16
New York – Sowat een uit drie mense teken by die werk op ‘n
sosiale netwerk in en Facebook is die gewildste tydverdryf by die kantoor, het ‘n
Britse webblad gevind.
Die Britse webtuiste Reed.co.uk, wat betrekkings op sy blad
adverteer, het bevind sowat 45% van mense wat erken hulle teken op sosiale netwerke
by die werk in, verkies Facebook.
LinkedIn, wat dikwels gebruik word om moontlike werknemers
vir ‘n pos te kontak, is tweede gewildste terwyl Twitter en die videodiens
YouTube ook dikwels die werkgewer se tyd aanlyn mors.
Mense wat in bemarking en inligtingstegnologie werk is die
meeste geneig om sosiale netwerke by die werk te gebruik terwyl ingenieurs en
boekhouers die minste op Facebook stokkies draai.
– Lees meer hier.
– Volg Nuus24 op Twitter.