124 renosters al gedood dié jaar
2010-07-02 11:52
Johannesburg – Dit was tot dusver ‘n slegte jaar vir renosters. Daar is al omtrent 124 van dié beskermde spesie deur wilddiewe doodgemaak in die eerste helfte van 2010.
“Die getal renosters wat tot en met vandag doodgemaak is, staan op 124,” het David Mabunda uitvoerende hoof van Sanparke, Donderdag gesê.
Hy het wel bygevoeg dat 42 wilddiewe sover vanjaar in hegtenis geneem is.
Meer as die helfte van die wilddiewe is in die Kruger Nasionale Park vasgevat.
Mabunda het die verklaring gemaak na die hofsaak van ‘n Vietnamese man, Xuan Hoang (29), wat tot 10 jaar tronkstraf gevonnis is vir die besit van sewe renoster horings.
Mabunda het ‘n beroep op die publiek gedoen om die owerhede te laat weet as hulle enige helikopters opmerk wat met versteekte registrasienommers vlieg.
Dié helikopters word gereeld deur wilddiewe gebruik.
Volg Nuus24 op Twitter.
- SAPA