Zuma sê nee vir Zille-debat

2012-10-16 12:00

Johannesburg – Pres. Jacob Zuma het 'n versoek van die DA-leier, Helen Zille, van die hand gewys vir 'n openbare debat oor die stand van die ekonomie.

RSG berig Mac Maharaj, presidensiële woordvoerder, het by navraag gesê die president het teen Maandagmiddag nog nie 'n amptelike versoek van die opposisieleier ontvang nie.

Hy sê Zuma is tans besig om in samewerking met belangrike rolspelers aandag te skenk aan die stand van die ekonomie.

Maharaj sê hulle sien nie die doel van enige optrede wat die aandag kan aflei en belanghebbendes daarvan weerhou om saam te werk nie.

Eyewitness News het vroeër berig Zille is bekommerd oor die voortslepende stakings, werkloosheidsyfers en die land se kredietgradering.

“Suid-Afrikaners benodig ‘n ernstige debat hieroor, om te evalueer waar die politieke partye staan...” het sy vroeër gesê.

Volg Nuus24 op Twitter