Zuma moet sakevertroue in die land herstel

2013-02-13 17:47

Johannesburg – Die Suid-Afrikaanse Kamer van Handel en Nywerheid (SAKHN) verwag dat pres. Jacob Zuma deur sy staatsrede die sakevertroue in die land gaan herstel, het Neren Rau, die hoof- uitvoerende beampte, gesê.

"Onlangse gebeure het Suid-Afrika in 'n ongunstige lig gestel daar is 'n dringende behoefte vir die president om plaaslike en internasionale sakevertroue deur sy staatsrede te herstel."

Die SAKHN verwag dat Zuma buitelandse en binnelandse beleggers gaan gerusstel oor ekonomiese stabiliteit, veral met betrekking tot kommer oor onwettige betogings, die bestuur van regeringsuitgawes en problematiese mynbouwetgewing. Die SAKHN het verder gesê hy Zuma moet ook vra dat stakings op 'n wettige gedissiplineerde wyse gehou moet word.

Rau het gesê die SAKHN hoop temas soos die bevordering van sakevertroue, 'n vermindering van staatsingryping in die ekonomie en 'n verbintenis aan groter beleidsekerheid sal in die staatsrede vervat word.

Zuma sal Donderdagaand om 19:00 sy staatsrede lewer.

– Volg Nuus24 op Twitter

- SAPA