Vergadering gaan voort oor plaaswerkers se lone
2012-11-29 08:15
Aanwysers
| Rand/$ |
 | 9.58 | -0.32% | Goudmynesektor |
| Rand/£ |
| 14.50 | -0.63% |  1353.72 | 0% |
| Rand/€ |
| 12.38 | -0.39% | Alle aandeleindeks |
| Goud/oz | | 1386.60 | -0.05% | 40998.58 | 0% |
Johannesburg – Die plaaswerkersvakbond Bawusa sê die beplande vergadering tussen vakbond-verteenwoordigers, boere en die kommissie vir versoening, bemiddeling en arbitrasie (KVBA) sal voortgaan.
Dit volg nadat Mildred Oliphant, minister van arbeid, aangekondig het dat die minimumlone eers in April volgende jaar aangepas kan word.
Oliphant sê die Wet op Basiese Voorwaardes lui dat die vasstellings in dié sektor eers 12 maande nadat dit in werking getree het, oorweeg kan word, het RSG berig.
Werkers het hul staking in die Wes-Kaap vroeër opgeskort om aan die regering die geleentheid te gee om na salaris-ooreenkomste te kyk.
Volgens berigte kan onluste volgende week weer uitbreek na aanleiding van Oliphant se uitlating.
Die betogings oor lone het onlangs in De Doorns begin en na 15 ander nabygeleë dorpies versprei.
Plaaswerkers eis 'n daaglikse loon van R150, maar die hoogste aanbod wat boere sedertdien gemaak het, is R80.
Intussen het Helen Zille, premier van die Wes-Kaap, die minister van verdediging, Nosiviwe Mapisa-Nqakula, gevra om die weermag in die provinsie te ontplooi.
Volg Nuus24 op Twitter
