Vakbonde kan harder baklei weens petrolstyging

2012-09-29 20:05

Durban – Cosatu sê die jongste styging in die petrolprys sal waarskynlik vakbonde harder laat baklei vir salarisverhogings vir werkers, het East Coast Radio berig.

Die vakverbond se Patrick Craven sê die hoë brandstofpryse gaan die lewe soveel moeiliker maak vir diegene wat reeds sukkel om elke dag te oorleef.

Die departement van energie het vroeër bevestig dat die styging volgende Woensdag in werking sal tree.

Die petrolprys vir 93-oktaan en 95-oktaan sal onderskeidelik met 21c en 23c styg.

95-oktaan loodvrye petrol sal nou R12,20 per liter in Gauteng en R11,85 langs die kus kos.

Die prys van diesel (0,05% swael) is met 39,16 per liter verhoog, terwyl diesel met ‘n swael-inhoud van 0,005% met 40,16 sent per liter sal styg.

Volg Nuus24 op Twitter