Talle boere probeer loonverhoging systap
2013-02-28 14:41
Aanwysers
| Rand/$ |
 | 9.54 | 0.39% | Goudmynesektor |
| Rand/£ |
 | 14.43 | -0.2% | 1346.23 | -1.22% |
| Rand/€ |
| 12.38 | -0.68% | Alle aandeleindeks |
| Goud/oz | | 1387.43 | -0.06% | 40854.55 | 0% |
Kaapstad – Altesaam 80% van boere in De Doorns sal teen Vrydag nie die nuwe minimum loon van R105 aan hul werkers hoef te betaal nie, berig die Cape Argus.
Dié boere is onder duisende wat wettiglik kan aanhou om hul werkers R69 per dag te betaal, hangende 'n beslissing van die departement van arbeid oor hul aansoeke om kwytskelding van die nuwe loon.
Mildred Oliphant, minister van arbeid, het vroeër vandeesmaand 'n 52% loonverhoging vir plaaswerkers aangekondig. Die sperdtum vir implementering was 1 Maart, maar boere wat nie die verhogings kan bekostig nie, kon aansoek doen om kwytskelding.
Die meeste boere het aansoek gedoen om kwytskelding en wag vir 'n antwoord van die departement, het Elize van der Westhuizen, Agri SA se senior bestuurder vir arbeidsverhoudings, gesê.
Volgens Jacques Beukes, 'n boer in die Hexriviervallei, het sowat 90 van die vallei se 115 boere aansoek gedoen om kwytskelding.
Margareet Visser, van die arbeid-en-ondernemingsbeleid-navorsingsprojek aan die Universiteit van Kaapstad, het gesê die departement moes geweet het dat dit die reaksie sal wees en dat die nuwe loon stelselmatig geïmplementeer moes word.
"Nou sit ons moet 'n plofbare situasie wat dalk betogings, soortgelyk aan dié wat ons in onlangse maande gesien het, kan veroorsaak."
– Lees meer hier
– Volg Nuus24 op Twitter
