Swart, wit beleggers op JSE op gelyke voet
2012-12-06 13:26
Aanwysers
| Rand/$ |
 | 9.56 | -0.07% | Goudmynesektor |
| Rand/£ |
 | 14.41 | 0.43% | 1362.92 | 1.06% |
| Rand/€ |
| 12.34 | -0.07% | Alle aandeleindeks |
| Goud/oz | | 1383.40 | 0.6% | 40855.89 | -2.34% |
Johannesburg – Swart beleggers op die Johannesburgse aandelebeurs se aandeelhouding in genoteerde maatskappye is nou gelyk met dié van wit beleggers, het 'n verslag wat Donderdag gepubliseer is, gelui.
Navorsers het op aandeelhouding in die 100 topmaatskappye op die aandelebeurs gefokus.
"Hierdie jaar se studie dui op gelyke deelname deur wit en swart Suid-Afrikaanse beleggers, wat in terme van waarde onderskeidelik 21 persent en 22 persent van die top-100-maatskappye besit," het Nicky Newton-King, uitvoerende hoof van die JSE, gesê.
"Ek dink 'n mens kan ook aanneem dat die swart ekonomiese belang in die toekoms sal aanhou styg, en dat hierdie navorsing 'n basis bied vir verdere meting."
Buitelandse beleggers besit tans 34% van die totale mark, en 2% van die waarde is in die regering se hande.
Die meeste aandele (40%) word deur institusionele beleggers soos pensioenfondse en versekeringsmaatskappye besit.
Slegs 24% van aandele word direk deur Suid-Afrikaanse individue gehou.
– Volg Nuus24 op Twitter.
- SAPA
