Stakings kos Goldfields R1,2 miljard

2012-10-19 10:01

Johannesburg – Goldfields sê al sy werkers het vir werk opgedaag nadat die maatskappy ‘n ultimatum uitgereik het.

Werkers sou afgedank word indien hulle nie ‘n sekere tyd by die werk aangemeld het nie.

“Werkers by Beatrix se eerste en tweede skag in die Vrystaat en KDC West in Carletonville is almal terug by die werk, behalwe by KDC East, waar hulle steeds staak,” het Willie Jacobsz, ‘n woordvoerder, gesê.

Mynwerkers by KDC East word nie deur die ultimatum geraak nie.

Goldfields het sowat R1,2 miljard en 65 000 onse in goudproduksie tydens die staking verloor.

Volgens vorige berigte het Goldfields vroeër 1 500 werkers die trekpas gegee nadat hulle ‘n spertyd om terug werk toe te keer, geïgnoreer het.

Goldfields het daarna in ‘n verklaring gesê die afgedankte mynwerkers het 24 uur om appèl aan te teken.

Volg Nuus24 op Twitter  

- SAPA