Staking ruk Anglo American Platinum

2012-08-24 10:30

Johannesburg – Sowat 100 werknemers by Anglo American Platinum se Thembelani-myn in Rustenburg het Vrydagoggend geweier om te begin werk, het die maatskappy gesê.

Mpumi Sithole, ‘n woordvoerder, het in ‘n verklaring gesê die mynwerkers het by die verandering van die skofte geweier om by die mynskag af te gaan.

Die mynwerkers wil met die bestuur vergader om ‘n memorandum, wat die werkers meer as ‘n week gelede ingehandig het, te bespreek.

“Die onderhandelinge vind tans plaas tussen die ses verteenwoordigers, bestuur en lede van die UASA [United Association of SA] en Num [National Union of Mineworkers] is deel van die besprekings.”

Sithole sê die res van die myn se werknemers het aanhou werk. Sy sê die situasie is kalm.

“Ons doen ‘n beroep op ons werkers om kalm te bly en hulself van gewelddadige dade te weerhou...”
 
Gewelddadige betogers het onlangs naby die nabygeleë Lonmin-myn in Marikana uitgebreek.

Altesaam 34 mense is verlede week in ‘n skietery met die polisie naby die myn doodgeskiet.

Die SABC het vroeër vandeesweek berig die prys van platinum het tot sy hoogste vlak in byna vier maande gestyg ná die nuus dat werknemers by ander maatskappye óók salarisaanpassings geëis het.

Volg Nuus24 op Twitter  

- SAPA