Staat, sakesektor vergader nou gereeld

2013-02-04 09:40

Johannesburg – Die georganiseerde sake-sektor sal voortaan gereeld met die regering vergader om probleme te bespreek wat ekonomiese groei en werkskepping in die land kan belemmer, het Sake24 berig.

Pres. Jacob Zuma het dié aankondiging Sondag in Pretoria gemaak ná ’n vergadering tussen lede van die kabinet, Business Unity South Africa (Busa) en die Black Business Council (BBC).

Zuma het gesê die sakesektor het hom op grond van toesprake wat hy in Davos gelewer het, genader met die versoek om deel te neem aan die regering se lekgotlas oor ekonomiese groei en werkskepping.

'n Vergadering tussen die regering en die sakesektor sal weer oor twee maande plaasvind, het Sake24 berig.

Jabu Mabuza, president van Busa, het op sy beurt gesê die organisasie sal by sy lede hoor op watter maniere die regering die sakesektor kan bystaan.

– Lees hier meer.

– Volg Nuus24 op Twitter.