Salarisse styg met 8%

2012-12-12 10:00

Johannesburg – Die gemiddelde verdienste in die formele ekonomie in sy geheel was in Augustus R13 960 per maand, het Sake24 berig. 

Dié verdienste sluit bonusse en oortyd in.

Die gemiddelde verdienste is 8% hoër as ’n jaar vroeër, volgens Statistieke Suid-Afrika (SSA) se kwartaallikse indiensnemingsyfers. In reële terme was verdienste 2,9% hoër.

Werknemers in die finan­siële sektor se salarisse het die minste gestyg, en het in reële terme 'n afname van -2,7% getoon.

Nutsmaatskappye in die krag-, gas- en watersektor het die grootste verdienstegroei van nominaal 15% en reëel 9,7% aangeteken.

Werkverliese onder laagbesoldigdes het die gemiddelde opgestoot en werkverliese onder betreklik ryk werkers het die teenoor­gestelde gedoen.

– Lees hier meer.

– Volg Nuus24 op Twitter.