Sakegemeenskap veroordeel stakings
2013-01-10 08:21
Aanwysers
| Rand/$ |
 | 9.40 | -0.96% | Goudmynesektor |
| Rand/£ |
| 14.27 | -0.3% |  1365.50 | 0% |
| Rand/€ |
| 12.07 | -0.61% | Alle aandeleindeks |
| Goud/oz | | 1360.10 | -0.42% | 41413.44 | 0% |
Kaapstad – Die gewelddadige plaaswerkerstaking in die Wes-Kaap se impak op die breër ekonomie en op internasionale beleggersvertroue strek veel verder as net die landboubedryf, het die Kaapse Kamer van Koophandel volgens Sake24 gewaarsku.
Viola Manuel, die organisasie se uitvoerende hoof, het gesê die vernietiging van eiendom en die plundery van ’n winkel in Grabouw dui op ’n korttermyn-mentaliteit onder stakers wat “eintlik misdadig” is, het die publikasie berig.
Anton Rabe, voorsitter van Agri SA se arbeidskomitee, het intussen gesê daar was, sover hy weet, Woensdag geen loononderhandelinge nie.
Agri SA het nie ’n mandaat vir nasionale loononderhandelinge nie, maar onderhandelinge het die afgelope maand wel op plaasvlak plaasgevind.
Piet Badenhorst, voorsitter van die AHi Wes-Kaap, het ook dié sakeliggaam se kommer oor stakers se optrede duidelik gemaak.
“Hoewel ons die reg om te staak onomwonde as ’n grondwetlike reg erken, moet so ’n reg uitgeoefen word met inagneming van die ander persoon se regte. Dit is iets wat tans nie gebeur nie," het hy verduidelik.
– Lees hier meer.
– Volg Nuus24 op Twitter.
