Sake24 wen regstryd oor onthulling van Eskom-geheime

2013-03-15 14:51

Johannesburg – 'n Lang regstryd oor die openbaarmaking van die mynreus BHP Billiton se spotgoedkoop kragpryse is Vrydag in die appèlhof afgesluit met 'n beslissing ten gunste van Sake24.

BHP Billiton het aansoek om appèl gedoen ná 'n bevel vroeër dat Billiton en Eskom die prysformule bekend moet maak waarvolgens Eskom elektrisiteit verkoop aan dié mynreus se twee aluminiumsmelters.

Die maatskappy kon egter nie die hof daarvan oortuig dat dit nodig is om die pryse langer geheim te hou nie.

Eskom ly enorme verliese weens die lae pryse wat Billiton betaal. Die kragverskaffer sal nou egter die tydsduur van die kontrakte vir die verskaffing van elektrisiteit, sowel as die name van die individue wat die kontrakte onderteken het, bekend moet maak.

Hoewel Billiton die bevel beveg het, was Eskom telkens net as waarnemer in die hof teenwoordig.

– Lees hier meer.

– Volg Nuus24 op Twitter.