Bedanking van SAA-baas bevestig
2012-10-08 12:39
Aanwysers
| Rand/$ |
 | 10.20 | -1.93% | Goudmynesektor |
| Rand/£ |
| 15.79 | -0.99% |  1371.18 | 0% |
| Rand/€ |
| 13.56 | -1.21% | Alle aandeleindeks |
| Goud/oz | | 1351.40 | -1.68% | 40784.31 | 0% |
Kaapstad – Siza Mzimela, hoof- uitvoerende beampte van die Suid-Afrikaanse Lugdiens (SAA) het bedank.
Fin24 berig sy het in ‘n e-pos aan haar werknemers by die lugdiens gesê die besluit is nie ‘n onbeplande een nie.
“Ek het die besluit goed deurgedink en voel dit is nou die beste tyd vir my om my posisie as uitvoerende hoof op te gee. Iemand anders moet toegelaat word om die maatskappy die toekoms in te neem.”
Mayihlome Tshwete, woordvoerder vir die departement van openbare werke, het Mzimela se e-pos bevestig.
Haar bedanking kom nadat Cheryl Carolus, voorsitter van die lugredery, en sewe ander raadslede onlangs uitgetree het.
Hul bedankings het gevolg nadat Russell Loubser, voormalige uitvoerende hoof van die JSE en ‘n lid van SAA se raad, ook uitgetree het.
Carolus het gesê sy respekteer die lugredery, die regering en die land, maar dat die situasie rondom die raad heeltemal onhoudbaar geraak het.
“Ons reputasie en professionele integriteit is deur die modder gesleep sonder enige verduideliking of ondersteuning van aandeelhouers.”
Volg Nuus24 op Twitter
