SA steeds aantreklik vir beleggers – Zuma

2013-01-23 08:12

Kaapstad – Pres. Jacob Zuma is vasberade om beleggers te verseker dat Suid-Afrika steeds 'n aantreklike bestemming is vir buitelandse belegging, berig die SABC.

Zuma sal vandag 'n afvaardiging by die Wêreld Ekonomiese Forum in Davos in Switserland lei.

Suid-Afrika se trae ekonomiese groeikoers en arbeidsonrus in die myn- en landbousektore het volgens berigte die land se beeld as 'n bestendige beleggingsmark geskaad. 

Zuma het egter gesê hy is gereed om vrae te beantwoord en duidelikheid te verskaf oor gebeure die afgelope ruk in Suid-Afrika. 

"Ek dink daar is beleid, veral omdat die regering se konferensie pas afgehandel is. Daar was kwessies in die mynbedryf, maar dit is onder beheer en dus dra ons die boodskap oor dat Suid-Afrika steeds 'n land is met meer sekerheid indien jy wil belê.

– Lees meer hier

– Volg Nuus24 op Twitter