Reserwebank-hoës bevries salarisverhogings

2012-12-12 17:50

Johannesburg –  Gill Marcus, president van die Reserwebank, adjunkgoeweneurs en alle raadslede het Woensdag eenparig besluit om af te sien van salarisverhogings vir 2013, berig Eyewitness News.

Dít is in reaksie op 'n oproep deur pres. Jacob Zuma om salarisverhogings te bevries.

"Dit is ter ondersteuning van president Zuma se oproep op bestuurslui om ooreen te stem om salarisverhogings en bonusse vir die volgende 12 maande te bevries," het die sentrale bank in 'n verklaring gesê.

Die president het dié oproep gemaak ná gewelddadige betogings die mynbedryf in Augustus geruk het. Hy het gesê dit is deel van 'n verbintenis om 'n gelyke ekonomie te bou.

Die besluit is nie van toepassing op personeel en die algemene bestuur van die Reserwebank nie.
 
– Lees meer hier

– Volg Nuus24 op Twitter