Rentekoers-besluit 'was nie maklik'

2012-10-03 07:30

Kaapstad – Gill Marcus, president van die Reserwebank, het gesê die besluit verlede maand om die rentekoers onveranderd te laat, was nie 'n maklike een om te neem nie, het RSG berig.

Die repokoers is verlede maand onveranderd op 5% gelaat ná dit in Julie met 50 basispunte verlaag is.

Marcus het die besluit op 20 September aangekondig ná 'n vergadering van die monetêre beleidskomitee.

Sy het by 'n vergadering van die Nordiese-Suid-Afrikaanse Sakevereniging in Johannesburg gesê die huidige vlakke van buitelandse invloei in die land se staatseffektemark is nie volhoubaar nie.

Marcus het ook gesê die plaaslike mark sal baat vind by sy insluiting in die Citigroep se toonaangewende wêreldindeks van staatseffekte.

– Lees hier meer.

– Volg Nuus24 op Twitter.