Regeringsvennootskappe van 'kardinale belang'

2012-12-17 14:54

Bloemfontein – Die regering se vennootskappe met die arbeid-, privaatsektor en die burgerlike gemeenskap is van kardinale belang om Suid-Afrika se probleme op te los, het Nhlanhla Nene, adjunkminister van finansies, Maandag gesê.

Die regering se verhouding met moet verander sodat die land vorentoe kan beweeg, het hy aan joernaliste in Mangaung gesê.

"Ons verwelkom alle kwessies van alle kante. Ons moet begin deur die probleem te identifiseer en daarna vasstel wat elke vennoot kan doen om te help."

Nene het gesê die Marikana-skietery was 'n geleentheid om die verhoudings tussen die regering, sake-ondernemings, die arbeidsektor en die burgerlike samelewing te versterk.

"Ons moet die tipe geleenthede benut eerder as om te wag tot ons 'n krisis het. Ons moet ons mislukkings erken en inkom as rolspelers wat probleme wil oplos."
      
– Volg Nuus24 op Twitter

- SAPA