Regering sit miljarde opsy vir SAA
2012-10-02 18:04
Aanwysers
| Rand/$ |
 | 9.58 | -0.32% | Goudmynesektor |
| Rand/£ |
| 14.50 | -0.63% |  1353.72 | 0% |
| Rand/€ |
| 12.38 | -0.39% | Alle aandeleindeks |
| Goud/oz | | 1386.60 | -0.05% | 40998.58 | 0% |
Johannesburg – Die Suid-Afrikaanse Lugdiens (SAA) het 'n waarborg van R5 miljard van die regering gekry, het die nasionale tesourie Dinsdag gesê.
"Die Suid-Afrikaanse regering het die Suid-Afrikaanse Lugdiens 'n waarborg van R5 miljard vir 'n periode van twee jaar gegee wat vanaf 1 September 2012 begin," het die tesourie in 'n verklaring gesê.
Dié waarborg sal die lugredery in staat stel om op internasionale markte geld te leen.
SAA het herkapitalisering versoek teen 'n beraamde bedrag van tussen R4 miljard en R6 miljard.
Dit sal die lugredery in staat stel om sy balansstaat te versterk en nuwe vliegtuie te bestel.
Ingevolge die waarborg moet SAA se raad 'n omkeerstrategie ontwikkel wat deur Malusi Gigaba, minister van openbare ondernemings, en Pravin Gordhan, minister van finansies, goedgekeur word.
SAA moet die departement van openbare ondernemings en Gordhan voorsien van 'n finansieringstrategie vir sy beplande aankope.
'n Tegniese komitee, insluitend verteenwoordigers van die tesourie en die departement van openbare ondernemings, sal SAA se finansiële posisie monitor en vasstel of die omkeerstrategie wel in werking gestel word.
Cheryl Carolus, voorsitter, en ses ander lede van die SAA se raad, het verlede week bedank.
– Volg Nuus24 op Twitter.
- SAPA
