Rand kan dalk verder verswak
2012-11-22 17:45
Aanwysers
| Rand/$ |
 | 10.30 | -2.93% | Goudmynesektor |
| Rand/£ |
| 15.91 | -1.75% | 1303.56 | -4.93% |
| Rand/€ |
| 13.59 | -1.42% | Alle aandeleindeks |
| Goud/oz | | 1294.81 | -5.8% | 40065.88 | -1.76% |
Johannesburg – Die rand sal in aanloop tot die vakansietydperk en volgende jaar verder teen ander geldeenhede verswak, het 'n ekonoom Donderdag gesê.
Die rand het vandeesweek sy laagste vlak in byna vier jaar bereik en R9 teen die Amerikaanse dollar verhandel.
Goolam Ballim, hoofekonoom van Standard Bank, het gesê die rand kan in aanloop tot die einde van die jaar en die begin van volgende jaar verder verswak.
"Daar is 'n vrees dat dit waarskynlik met ons sal bly en dit dui daarop dat die rand waarskynlik swak sal wees oor die nuwe termyn."
Hy het gesê die verswakte rand kan ook "inflasie stook".
"Dit sal aan die einde van die dag hoër elektrisiteitstariewe, belastingtariewe en selfs prysverhogings vir verbruikers beteken," het Ballim gesê.
Dit beteken 'n verhoging in basiese pryse en 'n vermindering in koopkrag.
Ballim het gesê dit kan lei tot armoede, omdat die armes waarskynlik die ergste geraak gaan word.
Die verswakte rand kan ook invoere duurder maak en 'n toename in uitvoere van Suid-Afrika veroorsaak.
Ballim het gesê die rand het om verskeie redes verswak.
"Eerstens het SA uitvoere onlangs afgeneem en dit is verleng deur verliese in die myn- en landbousektor."
Negatiewe graderingsaksies deur kredietgraderingsagentskappe speel ook 'n belangrike rol.
"Die graderingsaksies is 'n aanduiding dat Suid-Afrika dalk sukkel om sosio-ekonomiese kwessies te hanteer," het Ballim gesê.
– Volg Nuus24 op Twitter
- SAPA
