Ramphele waarsku oor 'mynbou-tydbom'
2013-02-06 14:28
Aanwysers
| Rand/$ |
 | 10.19 | -1.91% | Goudmynesektor |
| Rand/£ |
| 15.75 | -0.73% |  1371.18 | 0% |
| Rand/€ |
| 13.52 | -0.91% | Alle aandeleindeks |
| Goud/oz | | 1343.43 | -2.26% | 40784.31 | 0% |
Kaapstad – Die mynwese in Suid-Afrika het ‘n nuwe era betree, het Mamphela Ramphele, voorsitter van die mynreus Gold Fields, Woensdag gesê.
“Ons moet aanvaar dat die tradisionele manier van mynwese in Suid-Afrika, met sy afhanklikheid van goedkoop en laag geskoolde arbeid, verby is. Julle beter gewoond raak daaraan. Dit is nie volhoubaar nie,” het sy aan afgevaardigdes by die jaarlikse Mynbou-indaba in Kaapstad gesê.
“Die tragiese gebeure van Marikana en betogings deur werkers in die landbousektor... moet SA laat wakker skrik oor die baie tydbomme wat wag om te ontplof.”
Ramphele het verwys na ‘n staking by Lonmin se platinummyn in Marikana, Noordwes, in Augustus verlede jaar. Altesaam 34 mynwerkers is doodgeskiet en 78 is gewond toe die polisie op hulle losgebrand het terwyl hulle ‘n groep betogers verjaag het. Altesaam 10 mense, insluitend twee polisiebeamptes en twee sekerheidswagte, is in die voorafgaande week dood.
Sy het ook verwys na gewelddadige betogings deur stakende plaaswerkers in die Wes-Kaap, wat ‘n minimum loon van R150 per dag geëis het.
Ramphele sê hierdie voorvalle is die “nalatenskap van die verlede” wat nou by die land kom spook.
Die inkomste wat die myne maak, word nie gelyk verdeel nie, sê sy.
“Belastinginkomste van mynbou verdwyn grotendeels in die swart gat van die sentrale fiskus en dit word uiteindelik groot, plattelandse wonings vir presidente,” het sy gesê.
– Volg Nuus24 op Twitter
- SAPA
