Plaaswerkers wil self onderhandel

2013-01-22 17:53

Kaapstad – Plaaswerkers van Wellington en die Paarl het hul eie forum gestig om hul griewe en behoeftes in een stem te verenig, berig Landbou.com.

Magrieta Futhwa, ’n plaaswerker van Wellington en die voorsitter van die forum, meen plaaswerkers se stem is nog nooit gehoor in die voortslepende staking in die Wes-Kaap nie.

“Ons het nie vir Tony (Ehrenreich) of Nosey (Pieterse) ’n mandaat gegee om namens ons te praat nie. Ons kan en wil vir onsself praat en ons wil dit sonder geweld, skade en moord doen,” sê sy.

Hordes plaaswerkers het in werkoorpakke die sportstadion van die Kaapse Skiereiland se Universiteit van Tegnologie volgepak om die geleentheid by te woon.

Dawid Pieterse, ’n plaaswerker van Leeurivier in Wellington, het ook die skare toegespreek.

“As God met ons is, wie kan teen ons wees?” het hy gesê. Dit is met ’n gejuig van die skare beantwoord.

– Lees meer hier

– Volg Nuus24 op Twitter