Petrolstyging kan verbruikers verder wurg

2013-01-30 07:20

Kaapstad – Ekonome waarsku dat verbruikers se besteebare inkomste verder onder druk geplaas gaan word wanneer die petrolprys volgende maand styg, berig RSG.

Volgens die radiostasie gaan die petrolprys in Februarie na verwagting met 40c per liter styg, terwyl die prys van diesel 17c per liter meer sal wees. Paraffien gaan jou 24c per liter meer kos.

Weens negatiewe opvattings oor Suid-Afrika het die rand die afgelope ruk swak vertoon teen die Amerikaanse dollar, terwyl die prys van brent ru-olie tot sowat $115 per vat gestyg het.

Die verwagte brandstofprysverhoging sal ook na verwagting effens druk op die inflasiekoers plaas.

Die departement van energie sal die nuwe brandstofprys Vrydag amptelik aankondig. 

– Volg Nuus24 op Twitter