Patrice Motsepe skenk helfte van sy rykdom

2013-01-30 12:45

Kaapstad – Patrice Motsepe, stigter van African Rainbow Minerals (ARM), het Woensdag aangekondig dat hy die helfte van sy rykdom aan die Motsepe-stigting gaan skenk.

Motsepe het gesê hy het besluit om by die Giving Pledge-projek aan te sluit. Dié projek is drie jaar gelede deur Warren Buffett en Bill Gates, begin en fokus spesifiek op miljardêrs.

Volgens Forbes was Motsepe in November sowat $2,65 miljard (sowat R23 miljard) werd, berig Mail & Guardian.

Motsepe het gesê die geld wat aan die Motsepe-stigting gegee word, sal bydra om gesondheid- en onderwyskwessies in die land aan te spreek.

In 'n regstreekse video by die geleentheid het Gates die miljardêr se besluit geprys.

Buffet en Gates het aanvanklik die projek begin om Amerikaanse miljardêrs te oortuig om die grootste deel van hul fortuin in hul leeftyd of ná hul dood weg te gee.

– Lees meer hier

– Volg Nuus24 op Twitter