Ontwikkelingsplan skep sekerheid, meen Zuma

2012-12-16 15:00

Bloemfontein – Die nasionale ontwikkelingsplan skep sekerheid vir Suid-Afrika se toekoms, het pres. Jacob Zuma Sondag in Mangaung gesê.

"Ons het nou 'n plan wat deur alle sektore verwelkom is en nie net deur die regering en die regerende party nie," het Zuma aan afgevaardigdes by die ANC se nasionale konferensie gesê.

"Dit is om die rede dat ons altyd moet seker maak dat ons mense gefokus bly op ons nasionale ontwikkelingsvisie, anders gaan die samelewing rigting verloor."

Zuma het gesê die nasionale ontwikkelingsplan is 'n kaart "van waarheen die land op pad is".

"Nou dat die plan daar is, moet ons [die ANC] dit met albei hande vashou."

Die president het gerugte verwerp dat die afgradering van die land se kredietgradering 'n teken is dat die land onstabiel is.

– Volg Nuus24 op Twitter

- SAPA