'Ons kan nie so aangaan nie'
2013-01-15 08:21
Aanwysers
| Rand/$ |
 | 9.57 | -1.45% | Goudmynesektor |
| Rand/£ |
| 14.40 | -0.02% |  1348.56 | 0.62% |
| Rand/€ |
| 12.31 | -1.19% | Alle aandeleindeks |
| Goud/oz | | 1369.58 | -0.6% | 41836.02 | 0.05% |
Johannesburg – Die voortbestaan van Harmony Gold se Kusasalethu-myn word weens onbeskermde stakings bedreig, het berigte Dinsdag gelui.
Werkers is tot 7 Maart gegee om hul geskille te besleg, waarna hulle moontlik afgedank kan word, het Business Day berig.
Graham Briggs, uitvoerende hoof van Harmony, het in 'n ope brief aan rolspelers gesê daar is slegs 60 dae oor om die myn te red.
Moord, geweld, intimidasie en saakbeskadiging het volgens die brief gelei tot die besluit om bedrywighede by die myn naby Carletonville op te skort.
Briggs het aan Business Day gesê geen maatskappy kan in sulke omstandighede funksioneer nie.
"Ons kan nie so aangaan nie. Ja, dit is hoe erg dit is," het Briggs gesê.
'n Vergadering tussen die myn se bestuur en vakbonde is vir Donderdag belê.
"Die situasie is nou omgekeer. Dis ons, die maatskappy, wat nou eise ter tafel lê, nie die vakbonde nie," het Briggs gesê.
"Ons eise is dat die wet gehoorsaam moet word, dat ons vreedsaam moet wees en respek moet hê vir die myn se veiligheidswet."
Onbeskermde nywerheidsaksie by die myn in Oktober en Desember het tot groot produksieverliese gelei.
– Volg Nuus24 op Twitter.
- SAPA
