Oë nou op Zim vir platinum

2012-11-19 13:21

Johannesburg – Platinum-mynmaatskappye sal na verwagting die fokus na hul bedrywighede in Zimbabwe verskuif ná produksievlakke in Suid-Afrika 'n 11-jaar-laagtepunt bereik het, het Business Day Maandag berig.

Anglo American Platinum (Amplats) het gesê hy beplan 'n nuwe myn in Zimbabwe ná 'n verlies aan minstens 170 000 onse platinum weens 'n staking van agt weke in Suid-Afrika.

Colin Chibafa, finansiële hoof van die Amplats-filiaal Unki Mines, het gesê dié nuwe myn kan Zimbabwe se platinumuitset verdubbel.

Intussen het Impala Platinum (Implats) 'n verhoging in platinumproduksie by sy Mimosa-myn gerapporteer, wat in vennootskap met Aquarius Platinum bestuur word.

Die maatskappy se Zimplats-produksie het egter met 11% gedaal weens 'n geskeduleerde smelter-sluiting in Augustus en September.

Sowat 75% van die wêreld se platinumreserwes kom in Zimbabwe en Suid-Afrika voor.

– Volg Nuus24 op Twitter.

- SAPA