Nou kan jy geld stuur op MXit
2012-08-16 14:33
Aanwysers
| Rand/$ |
 | 10.00 | -0.44% | Goudmynesektor |
| Rand/£ |
| 15.66 | -0.01% |  1402.58 | 0% |
| Rand/€ |
| 13.39 | -0.64% | Alle aandeleindeks |
| Goud/oz | | 1366.80 | -0.02% | 41003.25 | 0% |
Kaapstad – Die sosiale netwerk MXit het ‘n vennootskap met Standard Bank aangekondig wat finansiële transaksies via jou selfoon moontlik maak.
MXit-gebruikers sal teen 'n minimale bedrag geld aan mekaar, sowel as ander selfoongebruikers stuur. Hulle sal op MXit geld kan onttrek en deponeer, MXit Moola koop en lugtyd en elektrisiteit via MXit Money kan koop,” het MXit bekend gemaak.
MXit het as ‘n kitsboodskapdiens in die Wes-Kaap begin voordat hulle gegroei het tot ‘n sosiale netwerk.
Onder die eienaarskap van Alan Knott-Craig jnr. het die netwerk tot sowat 37 miljoen gebruikers gegroei, met sowat 10 miljoen gebruikers wat aktief is.
“Hierdie vennootskap gee gebruikers die kans om die sosiale netwerk te gebruik om transaksies in die regte wêreld te doen,” het Knott-Craig gesê.
Volgens navorsing wat deur die maatskappy Ovum gedoen is, sal 124 selfoongebruikers in Afrika teen die einde van 2012 transaksies ter waarde van R55 miljoen maak. Dié getalle sal na 171 miljoen selfoongebruikers en R76 miljard teen einde 2014 groei.
Die gewildheid van slimfone in Suid-Afrika neem toe omdat dit gebruikers instaat stel om meer gevorderde funksies uit te voer as wat moontlik is op gewone selfone.
World Wide Worx se navorsing toon dat daar meer as 10 miljoen slimfone in SA is.
Volgens die Wêreldbank het sowat 75% van die wêreld se bevolking toegang tot ‘n selfoon.
“Selfoonkommunikasie skep groot geleenthede vir menslike en ekonomiese ontwikkeling deur basiese gesondheidsinligting te verskaf, werksgeleenthede te skep en burgers se betrokkenheid by demokratiese prossese te bevorder,” het Rachel Kyte, die Wêreldbank se adjunkpresident vir volhoubare ontwikkeling, gesê.
– Volg Nuus24 op Twitter
