Nóg verligting in 2013 by petrolpompe verwag

2012-12-28 11:45

Johannesburg – Ekonome sê motoriste kan in die nuwe jaar nóg petrolprysverlagings te wagte wees, berig Eyewitness News.

Die departement van energie het Donderdag aangekondig dat die petrolprys volgende Woensdag met tot 15 c per liter sal daal en motoriste sal 30 c per liter minder betaal vir diesel.

Dawie Roodt, 'n ekonoom, het dié verlaging toegeskryf aan die sterk rand en het gesê hy sal nie verbaas wees as dit weer gebeur nie.

"My vermoede is dat die petrolprys waarskynlik oor die volgende paar maande gaan aanhou daal. Ek verwag dat die rand redelik stabiel sal bly oor die volgende paar maande. Ek is ook nie verbaas om te sien dat die prys van olie minder is nie."

Ekonome het gesê die prysverlaging sal nie besteding beïnvloed nie, maar bied 'n effense verligting vir motoriste oor die besige feestydperk.

– Lees meer hier

– Volg Nuus24 op Twitter