Naspers woeker met e-handel
2012-11-28 09:25
Aanwysers
| Rand/$ |
 | 9.58 | -0.32% | Goudmynesektor |
| Rand/£ |
| 14.50 | -0.63% |  1353.72 | 0% |
| Rand/€ |
| 12.38 | -0.39% | Alle aandeleindeks |
| Goud/oz | | 1386.60 | -0.05% | 40998.58 | 0% |
Johannesburg – Die mediamaatskappy Naspers beplan om meer e-handelmaatskappye te koop ná hy in die ses maande tot September vanjaar $530 miljoen (sowat R4,5 miljard) op soortgelyke aankope bestee het.
“Ons groep groei steeds organies, met ’n toenemende fokus op e-handel,” het Naspers se voorsitter, Ton Vosloo, in 'n verklaring gesê wat Dinsdag uitgereik is.
Die Business Report het Woensdag berig Koos Bekker, uitvoerende hoof, het gesê die maatskappy kan tot Maart volgende jaar sowat 20 ander maatskappye in die e-handelsektor koop.
Omset uit die e-handelsegment het volgens die verklaring met 61% tot R4 miljard geklim. Organiese groei het 27% van die totale styging bygedra.
’n Fokus op skaal en die uitbreiding van e-handelsplatforms oor die hele waardeketting het handelswins egter met R1 miljard laat krimp.
Die groep se betaaltelevisiebasis het ook gegroei.
"Netto groei van 393 000 het die betaaltelevisiebasis op net meer as 6 miljoen huishoudings in 48 Afrika-lande te staan gebring. Omset was 19% hoër op R14,4 miljard, terwyl handelswins met 18% tot R4 miljard gestyg het," het die verklaring gelui.
Die groep het Dinsdag ’n styging van 22% in gekonsolideerde omset tot R23 miljard vir die ses maande tot 30 September 2012 aangekondig. Kernwesensverdienste per aandeel het met 15% tot R10.62 toegeneem.
– Nuus24 is 'n deel van 24.com, 'n filiaal van Media24, wat deel is van die Naspers-stal.
– Volg Nuus24 op Twitter.
