Myn gesluit ná vloede in Limpopo
2013-01-22 10:38
Aanwysers
| Rand/$ |
 | 9.40 | -0.96% | Goudmynesektor |
| Rand/£ |
| 14.27 | -0.3% |  1365.50 | 0% |
| Rand/€ |
| 12.07 | -0.61% | Alle aandeleindeks |
| Goud/oz | | 1360.10 | -0.42% | 41413.44 | 0% |
Johannesburg – Vloede in Limpopo het 'n steenkoolmyn gedwing om bedrywighede te staak, het Coal of Africa Beperk (CoAL) Dinsdag gesê.
David Brown, voorsitter, het gesê CoAL hoop om produksie binne 'n week te hervat.
"Ná swaar reën in die Limpopo-provinsie het Coal of Africa Beperk besluit om bedrywighede by sy Vele-steenkoolmyn weens vloede te staak."
Reenval by die myn is op 500 mm oor die afgelope vyf dae gemeet, in vergelyking met 450 mm normale reënval per jaar.
Die myn se lodge en bestuurfasiliteit, Dongola Ranch, wat naby die myn geleë is, sal mense huisves wat naby die Mapungubwe-Wêrelderfenisterrein en omliggende plase gestrand is.
Brown het gesê meer as 150 vloedslagoffers sal by die lodge gehuisves word. Hy het gesê sommige van die slagoffers was op dakke in die Mapungubwe-gebied vasgekeer en is deur 'n weermaghelikopter gered.
Minstens ses mense is reeds dood weens swaar reën die afgelope paar dae in die provinsie, het die provinsiale departement van samewerkende regering Maandag gesê.
– Volg Nuus24 op Twitter
- SAPA
