Meeste werknemers bly aan by Woolworths
2012-09-06 22:55
Aanwysers
| Rand/$ |
 | 9.56 | -1.6% | Goudmynesektor |
| Rand/£ |
| 14.47 | -1.36% |  1334.82 | 1.23% |
| Rand/€ |
| 12.30 | -1.87% | Alle aandeleindeks |
| Goud/oz | | 1375.38 | -0.76% | 41521.67 | 1.08% |
Johannesburg – Die meeste van die 593 Woolworths-werknemers wat ou kontrakte onderteken het, het verkies om aan te bly, het Sam Ngumeni, bedryfshoof, Donderdag gesê.
"Woolworths was in vergaderings met 'n groep van 593 werknemers en het verskeie opsies aan hulle gestel om ons vereistes om lang ure handel te dryf, te bespreek," het Ngumeni in 'n verklaring gesê.
Woolworths het verlede week ontken dat hy beplan om 600 werkers af te lê. Die groep het gesê hy wil slegs sowat 3% van sy personeel wat ou kontrakte onderteken het, op 'n nuwe stelsel plaas wat hulle vereis om naweke te werk.
Indien die werkers nie die nuwe kontrak aanvaar nie, kan hulle 'n vrywillige skeidingspakket aanvaar, of vroeg aftree indien hulle daarvoor kwalifiseer.
Saccawu het gesê dié stap benadeel die werkers se regte.
Thabo Mahlangu, woordvoerder, het gesê diegene wat geraak word, beklee hoofsaaklik laer poste en die vakbond voorspel dat die bestuur die vakbond by die proses gaan uitsluit.
Ngumeni het gesê die uitgedateerde kontrakte is opgestel toe Woolworths-winkels slegs tot 13:00 oop was op Saterdae en toe was op Sondae en openbare vakansiedae.
Woolworths het ná versoeke en besprekings sy opsies verbeter, het Ngumeni gesê.
Sowat 80% van die werknemers wat geraak word en een van die vrywillige voorgestelde opsies aanvaar, terwyl 1% dit nie aanvaar het nie.
Die maatskappy sal nou kyk hoe hy die poste in kategorie kan uitfaseer en sal dit moet oorweeg om die posisies oorbodig te maak – wat die laaste opsie is, het Ngumeni gesê.
– Volg Nuus24 op Twitter
- SAPA
