Madiba-banknote sien die lig

2012-09-05 14:23

(Werner Beukes, Sapa)

Johannesburg – Die Nelson Mandela-stigting sê die Madiba-banknote wat vandag geloods is, moet ‘n herinnering wees van die rol wat talle mense gespeel het om vryheid in Suid-Afrika te bewerkstellig.

“Hierdie is ‘n opwindende tyd vir ons land om Mandela se nalatenskap te vier... Ons wil Suid-Afrikaners en die internasionale gemeenskap herinner dat hierdie nie alleenlik erkenning aan Nelson Mandela gee nie, maar dit gaan oor die erkenning van die rol wat mense gespeel het om hierdie demokrasie te stig,” het Sello Hatang, woordvoerder van die stigting, in ‘n onderhoud met die SABC gesê.

Die nuwe R10-, R20- , R50-, R100- en R200-banknote sal ‘n gravering van die oudpresident uitbeeld. Die agterkant van die note sal steeds die Groot Vyf tentoonstel.

Lees meer hier

Volg Nuus24 op Twitter