Lonmin-werkers 'n bonus aangebied

2012-09-18 11:45

Rustenburg – Stakende Lonmin-werkers is ‘n eenmalige bonus aangebied in die hoop om hulle terug by die werk te kry, het ‘n onderhandelaar van die National Union of Mineworkers (NUM) Dinsdag gesê.

“Hulle is R1 500 aangebied wat beskikbaar is [tot] môre [Woensdag] sodat hulle kan terugkeer werk toe,” het Eric Gcilitshana gesê.

Werknemers oorweeg die aanbod, het hy gesê.

Gesprekke wat daarop gemik is om die staking te beëindig sal later Dinsdag voortgaan.

‘n Hersiende verhogingsaanbod is Dinsdag aan die maatskappy gegee. Dit was nie die R12 500 wat die werkers aanvanklik wou hê nie.

“Ek is baie positief en hoopvol.” het Biskop Jo Seoka, ‘n ander fasiliteerder, gesê.

– Volg Nuus24 op Twitter
 

- SAPA