Leë motorsitplekke mors geld

2013-03-08 09:11

Kaapstad – Motoriste sal hul vervoeropsies drasties moet heroorweeg in die lig van die huidige petrolprys wat ’n rekordvlak bereik het ná Woensdag se verhoging van 81c per liter, berig Sake24.

Daniël Claassen van find­alift.­co.za sê motoriste ry daagliks in die land rond met miljoene leë sitplekke in motors.

“Leë motorsitplekke word ’n ál groter vermorsing. Om ’n rit te deel, verminder die verbruik van brandstof en lei tot aansienlike kostebesparings.

“As jy ’n jaar lank ’n rit van 25 km werk toe en terug met ’n ander persoon deel, bespaar jy R6 500 se brandstof en slytasie. Deel met twee mense en jy bespaar R8 670. Deel met drie en jy bespaar R9 750.”

Claassen se webwerf word al deur meer as 6 600 Suid-Afrikaners gebruik. Gebruikers registreer gratis, vul die besonderhede van hul daaglikse rit in en soek na gepaste reismaats.

Sodra ’n potensiële reismaat gevind is, kan vei­lige kontak deur die webwerf gereël word. Die Universiteit van Kaapstad en Stellenbosch en die Menlyn Maine-sakepark in Pretoria gebruik die diens om studente en werk­nemers se reiskoste te help verlaag.

– Volg Nuus24 op Twitter