Koste van Eskom-tariefverhoging skok

2013-01-17 15:34

Kaapstad – Tot 35 000 mense in die suikerrietbedryf kan hul werke verloor as Eskom ‘n tariefverhoging van 16% toegestaan word, het die Suid-Afrikaanse Suikerrietkwekersvereniging die energiereguleerder Nersa gewaarsku.

Die verhoging kan lei tot die sluiting van vier meule, het Thomas Funke, die vereniging se direkteur van finansies, tydens ‘n openbare sitting in Durban oor Eskom se voorgestelde tariefverhoging gesê.

Hy sê die suikerrietbedryf het R10 miljard ‘n jaar gemaak en het werk aan 350 000 mense verskaf.

‘n Totale verlies van inkomste van 19,4% sal in die bedryf gevoel word as die tariefverhoging toegestaan word en dit sal ‘n groot uitwerking op voedselsekuriteit hê.

“Ons glo die verhoging is nie gepas nie en nie bekostigbaar nie. ‘n Dubbelsyfer-toename sal ‘n ernstige impak op nettowinste hê.”

Funke sê die vereniging sal nie ‘n verhoging hoër as inflasie kan hanteer nie.

– Volg Nuus24 op Twitter

- SAPA