Hospitaalgroep wél deel van gesondheidsgesprekke

2012-10-06 09:58

Johannesburg – Die privaat hospitaalgroep Mediclinic het gesê hy het wel deelgeneem aan die regering se inisiatiewe om die gesondheidsektor te hervorm, het RSG berig.

Dié reaksie volg op 'n verklaring deur prof. Eric Beug van die Universiteit van Pretoria, wat gesê het privaathospitale en dokters het herhaaldelik aangedui dat hulle die nasionale gesondheidsversekeringskema (NGV) steun, sonder om gedetailleerde voorstelle te maak.

Sarika Besesar, woordvoerder van Mediclinic, het gesê dié stellings is ongegrond.

Sy het gesê privaat hospitaalgroepe het aktief deelgeneem aan die proses en verskeie voorleggings aan die departement van gesondheid gedoen in reaksie op die groenskrif oor die NGV.

Verskeie voorleggings is ook glo gedoen oor wyses waarop privaathospitale kan help met die opleiding van verpleegsters en die verskaffing van gesondheidsorg.

– Lees hier meer.