Hoop vir ooreenkoms oor 'fiskale afgrond'
2013-01-01 07:30
Aanwysers
| Rand/$ |
 | 9.40 | -0.96% | Goudmynesektor |
| Rand/£ |
| 14.27 | -0.3% |  1365.50 | 0% |
| Rand/€ |
| 12.07 | -0.61% | Alle aandeleindeks |
| Goud/oz | | 1360.10 | -0.42% | 41413.44 | 0% |
Washington – Die Withuis en leiers van die Senaat het Maandag 'n ooreenkoms bereik om belastingsverhogings en besuinigingsmaatreëls van die sogenaamde "fiskale afgrond" af te weer – maar die ooreenkoms kan nog in die huis van verteenwoordigers verdeeldheid veroorsaak.
Senators sal oornag stem oor die ooreenkoms, wat volgens senator Joe Lieberman sterk steun onder die Demokrate geniet.
Die ooreenkoms is te laat bereik vir die sperdatum van 1 Januarie, maar met die vakansiedag Dinsdag kan die kongres steeds die voorstel goedkeur en terugdateer om te voorkom dat die skerp belastingstygings in werking tree.
Die voorstel moet egter staan in die huis van verteenwoordigers, waar baie van die Republikeine wat die huis beheer voel pres. Barack Obama doen nie genoeg om regeringsbesteding te besnoei nie.
Die huis van verteenwoordigers sal Dinsdagmiddag vergader.
"Die huis sal sy belofte gestand doen om die Senaat se ooreenkoms te oorweeg as dit goedgekeur word. Die besluit of die huis die ooreenkoms sonder meer sal aanvaar of dadelik sal wil aanpas, sal nie gemaak word tot lede van die huis... in staat was om die wetgewing te hersien nie," het John Boehner, speker van die huis van verteenwoordigers, gesê.
– Volg Nuus24 op Twitter.
- Reuters
