Gold Fields verloor miljoene weens stakings
2012-11-26 15:18
Aanwysers
| Rand/$ |
 | 9.40 | -0.96% | Goudmynesektor |
| Rand/£ |
| 14.27 | -0.3% |  1365.50 | 0% |
| Rand/€ |
| 12.07 | -0.61% | Alle aandeleindeks |
| Goud/oz | | 1360.10 | -0.42% | 41413.44 | 0% |
Johannesburg – Gold Fields verwag om vanjaar weens stakings in die tweede helfte van die jaar 'n verlies van R2,1 miljard te toon, het die maatskappy Maandag gesê.
Gold Fields se produksie in Suid-Afrika het in die derde kwartaal van die jaar met 11% gedaal weens stakings en 'n brand by een van sy myne, het die maatskappy bekend gemaak.
"Produksie in die Suid-Afrikaanse streek het gedaal van 437 000 onse goud in die Junie-kwartaal tot 387 000 onse goud in die September-kwartaal," het Gold Fields gesê.
"Die afname sluit in sowat 30 000 onse goud wat in 'n brand by die Ya Rona-skag verloor is en sowat 35 000 onse goud wat verloor is weens die onwettige staking by KDC."
Die impak van die stakings sal waarskynlik die meeste in die laaste kwartaal gevoel word, omdat die meeste van die werk in Oktober gestaak is.
Sowat 29 000 van die maatskappy se werknemers het deelgeneem aan onwettige stakings.
Gold Fields, die wêreld se vierde grootste goudprodusent, het gewaarsku dat die staking, salarisverhogings wat hoër as inflasie is en stygende energiekoste die risiko verhoog dat "herstrukturering van ons Suid-Afrikaanse bedrywighede in die nabye tot mediumtermyn kan plaasvind".
Mynmaatskappye in Suid-Afrika het gewaarsku dat die vlaag van onwettige stakings, wat meer as 'n week gelede geëindig het toe 12 000 Anglo American-werkers teruggekeer het werk toe, kan veroorsaak dat die meeste van hulle werkers moet aflê.
– Volg Nuus24 op Twitter
- SAPA
