Geen rede vir paniek oor petrol

2012-10-02 11:44

Johannesburg – Suid-Afrika se Fuel Retailers Association (FRA) sê die publiek hoef nie bekommerd te wees oor brandstofvoorraad nie.

“Ons lede het gebeurlikheidsplanne in plek... met die petrolprys wat vanaand styg, verwag ons ook dat mense na die pompe gaan jaag,” het MC Lamprecht, ‘n woordvoerder, gesê.

Hy sê ‘n tekort aan brandstof in een gebied, beteken nie dat die meeste dele in die land dieselfde geaffekteer gaan word nie.

Burger van der Merwe, ‘n woordvoerder vir Pick n Pay, sê dié maatskappy word glad nie deur probleme met aflewerings geaffekteer nie.

Stakende vragmotorbestuurders wil ‘n salarisverhoging van 12% hê. Loononderhandelinge sal Woensdag voorgesit word.

Volg Nuus24 op Twitter  

- SAPA