'Geen planne' om myne te nasionaliseer

2013-01-18 10:24

Pretoria – Gwede Mantashe, sekretaris-generaal van die ANC, sê die regering het geen planne om onstabiele myne te nasionaliseer nie.

“As die regering verantwoordelikhede [van die myne] oorneem, is dit nie nasionalisering nie,” het hy aan verslaggewers op die kantlyne van ‘n vergadering van die nasionale uitvoerende komitee gesê.

“Ons erf die verantwoordelikhede van kapitaliste wat geld gemaak het en van hul verantwoordelikhede wat saam met die einde van ‘n myn se leeftyd gaan, wil weghardloop.”

Mantashe het reageer op ‘n verklaring wat die Association of Mineworkers and Construction Union (Amcu) vroeër uitgereik het.

Die vakbond meen die regering moet die wêreld se grootste platinum-produsent, Anglo American Platinum (Amplats), nasionaliseer indien die myn voortgaan met sy planne om 14 000 werkers in die pad te steek.

Volg Nuus24 op Twitter

- SAPA